ادعو ربنا ميوقعكوش في شخص بيدور علي اللي ناقص، دايماً عينه بتتعمي عن كل حاجة حلوة بتتعمل عشانه و يمسك في حاجة عبيطة و يضيع بيها كل مجهود الناس اللي بيحبوه و بيحسسهم ان ده العادي و اقل حاجة ممكن تتعمل لسيادته...!!
اللي بيتلكك و بيقف علي الواحدة و يحاسبك كإنه استاذ ناقص يوقفك وشك للحيط و رافع ايدك عشان شكلك معصبه !!
ادعو ربنا يبعدكم عن اللي علطول شايف انه يستاهل الاحسن و علطول مقتنع ان شريك حياته مقصر و مش عامل اللي عليه..
اللي متعود ياخد بس.. يحاسب و بس... يحاكم و بس... يقّيم بمعاييره هو و بس من غير ما يراجع نفسه و لو مرة واحدة ..
الانسان ده لو طال يهدم المعبد عشان خلاص زهق هيهدمه لانه مقتنع ان حياته لازم تكون احسن من كده و مع ناس احسن من كده..
يارب الناس دي لا تقابلوها و لا تعاشروها عشان هيشوهوا نفسيتكوا و هيدمروا فيكوا حاجات كتير حلوة و بريئة من كتر اللي شوفتوه منهم و معاهم ..