04 - 07 - 2017, 07:23 AM
|
|
|
|
..::| الاشراف العام |::..
|
|
|
|
|
|
الكبت و الضغط النفسى هيوصلك لمرحله مريبه جداً من "الإضطراب النفسى" ..
مرحلة كل حاجه و عكسها اللى هو مش بتعمل حاجه بس مش فاضى..
حاسس بالوحدة بس مش عاوز تكلم حد ...
تيجى على بالك اغنيه و تحب تسمعها تشغلها فى الهاند فرى و تتفاجئ انها خلصت من غير ما تسمع كلمه منها..
تشغل الفيلم اللى بتحبه و تفصله فى نصه..
تعمل القهوه او النسكافيه بتاعك و تسيبه لحد ما يبرد قدامك..
عندك خطط كتير بس مش وقتها..
مفيش حاجه مبهرة او حاجه تشد انتباهك او تخطفك..
شعور عالى بالتقل "انت اللى تقيل على نفسك مش حد تانى"..
حاسس بحاله من انعدام الشعور بكيانك زى ما تكون مش موجود "هواء" ..
مستنى حاجه بس مش عارف إيه هي و امتى و فين و ليه و مع مين..
شعور اللى هو انت هنا اهو و موجود بس عقلك و ذهنك فى وادى تانى خالص ...
و دي اسوأ مرحله ممكن تمر بيها .. !
|