27 - 06 - 2017, 04:27 PM
|
|
|
|
..::| الإدارة العامة |::..
|
|
|
|
|
|
بنت الملك هي اللي مهما قابلت مشاكل صعبه عمرها ما بتتكسر .. بتطلع م الضيقه اقوي .. وبتخرج م الأزمه أجمل .. بتصبر ع الوجع لحد ما يرحل و ف عز الجرح مبتضعفش .. واثقه ف ربنا وف اختياراته و خاضعه لمشيئته بكل رضا .. بتنام بالليل ودموعها علي خدها وبتقوم الصبح ترنم و تضحك و تتصالح ع الدنيا .. اللي يشوفها يشوف ربنا فيها واللي يعرفها محظوظ .. بتشوف ف السما نجوم برغم العتمه والغيمه .. و بتزرع ورود ف كل سكه بتمشيها .. بتوزع سعاده مطرح ما تروح و بتحلي اي مكان بتكون فيه .. غاليه ومستحيل ترخص مشاعرها لحد .. بتقدر تاخد بالها من قلبها كويس .. وبتعرف تحافظ علي نفسها .. بتصون العشره و مبتعرفش تخون ولا تجرح .. بتسامح وتصالح و تفرح وتطمن .. امينه ع القليل والكتير و ناجحه ف كل خطوه .. الأزمات بتزيدها قوه و التجارب بتزيدها جمال .. حلاوة روحها بتبان علي ملامحها .. ونعمة ربنا ف عينيها .. اصيله وجدعه وطيبه .. ومن صغرها نور وملح .. أعظم م الكنوز و أغلي من الجواهر .. اِمْرَأَةٌ فَاضِلَةٌ مَنْ يَجِدُهَا لأَنَّ ثَمَنَهَا يَفُوقُ اللآلِئَ
|