26 - 06 - 2017, 08:03 PM
|
|
|
|
..::| الإدارة العامة |::..
|
|
|
|
|
|
اسف لأني توقعت من الناس اللي مايقدرش عليه غيرك..
اسف لأني وطّيت سقف احلامي فيك وتخيلتك محدود زي الباقيين..
اسف لأني تخيلتك ممكن تمشي وتزهق .. وأنت الوحيد الثابت لحد دلوقتي..
اسف على توقعاتي الغير منطقية زي الراحة دايماً وخدمة احلامي الشخصية.. ونسيت اني أنا اللي بعبُدك مش أنت ..
اسف على لحظات شكوك كترت الفترة دي.. شكوك في حُبك.. وفي قدرتك على انك تمشّي حياتي زي ما وعدت..
اسف على اقحامي ليك في قرارات أنت ماخدتهاش معايا، وعتابي ليك على نتايج صعبة أنت ملكش ذنب فيها..
وشكراً.. لأنك أكبر وأرقى بكتير من توقعاتي.. أكبر في محبتك وقبولك اللي مابيخلصش..
شكراً على هدوءك في لحظات انفجاري واحتوائك ليا وقت ما دماغي تقلب ..
شكراً على احترامك لوعودك وانك مابترجعش فيها، حتى وأنا خايب وعمال اكسر كلامي ليك..
شكراً على احترامك لحياتي وعدم اقتحامك ليا اوقات ما بسكُت وببعد.. وشكراً انك بتفضل مستني منين ما ارجع من غير عتاب مُر و"تقطيم" كتير..
شكراً انك بعد ما شُفت كل التشوّه واللخبطة اللي جوايا دي.. مامشتش!
شكراً انك زي ما أنت بشخصيتك المريحة دي مابتتغيّرش.. شكراً انك يسوع ..
|