[Rena Jesus]

جيلنا طالع بعيد عن اهله واحيانا بيفضل اصحابه او الاغانى او الافلام او حتى النوم!!
عشان الوقت الى بيقضيه مع اهله بيبقى كله انتقاد مع كل صغيره وكبيره

ايه اللى أنتى عامله ف شعرك دا!؟،...
اايه اللى أنتى لابساه دا!؟.... اللى بتتفرجى على ده ! .....
خليك كدا قدام الزفت ليل نهار لحد متموت.....
ازاى تتكلمى ف المواضيع دى....
كفايه اكل شيبسى.....
كفايه كلام ف التليفون مع اصحابك.....
خليك كدا طول النهار بره مالبيت بقى بانسيون....
خليك كدا متسمعش كلامى....
انا قولتلك من الاول البنت دى متنفعكش ومسمعتش كلامى تستاهل.....
اهو أنتو كدا جيل منيل وفاشل.....
على صوتك...وطى..صوتك....لمى شعرك....اقعدى عدل..
وطى الاغانى.نام بقى...اصحى بقا..كفايه نوم!؟....سهران ليه:!...
تخنتى اوى...مفيش فايده فيك....

ولو قررت تقعد لوحدك من كتر الانتقاد والصد والرخامه عليك يسالوك ببراءه
"انت مش بتعقد معانا ليه وديما قاعد لوحدك""

املوا حياه ولادكو بالمدح....
سمعوهم الكلام اللى نفسهم يسمعوه منكم بدل ما يدوروا عحد برا يسمعلهم....
حسسوهم نكم قابلينهم باى حاجه متخلفه يعملوها حتى لو كان ابنك قرر يحلق نص راسه زيرو والنص التانى كنيش......
اقبلوا اختلافتهم عنكم...

تقبلوا فكره ان الابن لازم يعدى بمرحلة التمرد ف حياته .
ولو معداش بيها وديه لدكتور نفسانى.....
اسمعوا منهم مبرراتهم حتى لو جواكم عارفين نها غلط...
اديلهم فرصه يعبروا عن رأيهم.....
اختاروا الوقت المناسب ايوه اخترواااا الوقت اللى تعرفوهم فيه غلطهم...
مش وهم مجروحين او متعصبين ومقهورين ومظلومين.......
عشان ميحسوش بالشماته وأنتوا مش شمتانين......
راجعوا كلماتكم ونتوا تعرفوا بيهربوا منكم ليه
....اعرفوا ليه بيلجاوااا لغيركم

ابونا بولس جورج