يا " أبانا الذي في السماوات "
متسبنيش وحدي علي الأرض
" وليتقدس اسمك " فيا
وتطمني يارب ب وعد
و " ليأت ملكوتك " ليا
وتعيشني ف فرحه ومجد
" كما ف السما ع الأرض " احميني ..
"خبزنا كفافنا " وبتغنيني
عمري ف يوم ما احتجت لغيرك
اصل انت بتعرف تراضيني
وبتعرف ف الضيق تصالحني
"اغفر لينا ذنوبنا يارب "
من فضلك يا حبيبي سامحني
زي ما برضه بسامح غيري
زي ما بغفر للي جارحني
مهما بشوف انا واثق فيك ..
مهما تضيق انا هفضل غالب
" ولا تدخلنا ف تجربه " يعني
انا مش حمل يارب تجارب
بل "نجينا من الشرير" ..
يا " يسوع " واسندنا يا معين
ليك الملك وليك القوه
وليك المجد يارب أمين 💝
" مينا مجدي "