[Rena Jesus]

صباح الخير منتدانا الغالى منتدى الفرح المسيحى
صباحكم تفاؤل ....صباح جديد ...اشراقة جديدة
نبدا يومنا هذا بالخير والبركة .. ومع فقرات اليوم


فقرات اليوم

صورة اليوم ......
اية اليوم .....
تأمل أسألوا تعطوا.....
قصة الغلاء على ربنا مش علينا ....
شوف ربنا قريب أزاى ؟؟!!! .....
رساله ليك ......
كلمه منى ليك ........

صورة اليوم








أية اليوم

«اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ»
متى 7:7






تأمل اِسْأَلُوا تُعْطَوْا.


الله يريدنا ان نسعى لبركاته.
لأنه يتوق ان يباركنا
ويجعلنا نعرف ان الهبات
التي في حياتنا تأتي منه.
لذا فلنسعى لوجوده، ونعمته، وبركاته.





قصة الغلاء على ربنا مش علينا


قصة حكاها أحد الأباء عن الغلاء فى هذه الأيام
+++++++++++++++++++++++++
جاء أحد الناس الغلابة ليعترف ، انسان بسيط جدا ولكنه قوى جدا فى الايمان
ساله ابونا
(( عامل أيه يا عم فلان، أخبارك أيه وبيتك فى الغلاء دا..))
وكان سؤال ابونا للأطمئنان عليه وعلى أحوال.
وكان رد الرجل البسيط
((( نشكر ربنا يا ابونا.... كله بخير وتمام
اما بخصوص الغلاء
تمام ربنا ساترها علينا )))
أزاى يعنى يا عم فلان
((( شوف يا أبونا ... الغلاء دا ... غلاء على ربنا.
انا ماليش دعوه..هو اللى قالى ملقين كل همكم عليا لاننى انا المعتنى بكم....
خلاص الدنيا غليت والاسعار ولعت..غليت على ربنا مش عليا
لانه هو ابونا السماوى والمسئول عنى وعن بيتى وأولادى ..هو المتكفل برعايتى واكلى وشربى وكل حاجة ...يبقى انا ماليش دعوة بالغلاء..الموضوع يخصه هو..وهو دايما بيدبرها على اكمل وجه..
مش هو ضابط الكل ومعطى جميع الخيرات..ملناش دعوة بالغلاء..الغلاء على ربنا مش علينا)))
كان رد أبونا..
الله يعطيك على حسب إيمانك يا عم فلان ويعطينا قوة إيمانك
صلى لنا ولمصر يا راجل يا طيب



شوف ربنا قريب أزاى ؟؟!!!

رساله ليك ...



يا اللى شايل هم بكره وخايف ع الطول ليه بتشيل الهم يابنى وانا جنبك ومحاوطك وبخاف عليك
فاكر يعنى لو فكرت فى بكره كتير هتتحل مشاكلك وتدوب
عمره ماكان الحل يأبنى التفكير

الحل انك تجيلى وتشكيلى وتكلمنى
وانا عنك راح أشيل الهم وأبيت قلبك فى الفرح
يبقى أيه لزومه تتعب قلبك وعنيك من عدم النوم والتفكير

صدقنى معاك وشايفك بس تأخيرى عنك دايما للخير ولو فى يوم حصلت ليك تجربه مش حلوه أعرف انى عايزك تعرف أكتر فى الدنيا وتشوف خبرات بعنيك

ممكن بقى ياحبيبى تدينى عقلك وقلبك وانا هأشيلهم جوه عنيا واوعى تقول عنى فى يوم انى مش جنبك او شايفك انا شغلى الشاغل هو أنت ...

كلمه منى ليك ...


عليك التعرّف على نقاط ضعفك التي تَحُوُلُ بينك وبين أحلامك،
لتكون قادراً على التخلّص منها؛ فوجودها شيء طبيعي جداً في الناس،
فكلٌّ لديه نقطة ضعف يحاول الخلاص منها،
لكن السيّء هو أن تبقى راكناً لا تسعى لدثرها.