[walaa farouk]

مع الوقت هتلاقي ان ربنا معاه كل مفاتيحك، كلها من غير مبالغة..
بيعملك كل اللي انت عايزه بطريقة او باخري بس خلال ده بيعلمك الصبر..تستني وتهدا ماتتسربعش وتبقي واخد الدنيا فهلوة انما تصبر وتكسب نفسك بالوقت.. 😊🙈
هيجي عليك حد يطلب منك مساعدة او في فرصة كلام في خدمتك تقول كلام انت نفسك تستغربه ده جه منين وبيبقي هو بس اتكلم علي لسانك وروحه خليتك تاخد وتدي..☺😍🙈
هتلقاه بيخصصلك الطرق والناس اللي مش بس تمسح دموعك، لا ده تخليك ماتعيطش اصلاً..بيزيح عنك الضيقة بالطريقة.. 😄💗
بيسيبك لايمانك مابيتكش عليك تفضل قاعد معاه او يزن عليك تسمعله..بيسيبك لايمانك وزي ما هتآمن زي ما هتلاقي وهترجع جري..😊🏃🏻
بيعمل معاك حاجات لا يمكن كانت تخطرلك علي بال انها تتحقق وناس تقرب منك لا يمكن وسط الزحمة تتخيل ان انت بالذات تكون محظوظ انهم موجودين معاك.. 😍💗
بيفضل يسد كل فجوة احتياج فيك انت من غير ما يمل وبيبقي نفسه تشوف ده ماتفضلش متبطر وبتبص علي الفجوات التانية الناقصة! .. 💗😒
بيرحمك من الضلمة لو طولت وافكارك كلها لعبكت في بعض بمجرد انك تبص له بس وهو فاهم..عارف مفاتيحك ودخلتك وبيهون عليك بشكل يخليك منور من الفرحة .. ☺🙈
بيخليك تمشي في احلامك عشان في الاخر يتوجك ابنه الشاطر اللي عرف يكمل ماخلاش حاجة وقفته.👑