الموضوع: حرم القلب
عرض مشاركة واحدة
  رقم المشاركة : ( 1 )  
قديم 21 - 06 - 2017, 07:44 AM
الصورة الرمزية walaa farouk
 
walaa farouk Female
..::| الإدارة العامة |::..
الأوسمة و جوائز
بينات الاتصال بالعضو
اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 377,054
افتراضي حرم القلب
اول مرة سمعت فيها كلمة " حرم الجامعة " .. اول معنى جه فى بالى " فلان وحرمه " وطبعا ده تفسير مسخرة للإسم حرم القلب .. تانى معنى جه فى بالى " حرام " أو " إحترام " وهنا إختلف التفسير وإزداد وضوح وعمق أكتر .. وبدأت أسأل نفسى .. ليه أغلبنا مابقاش يقدر فكرة " حرم القلب " !

كل إنسان له ركن فى قلبه مخبيه وبيحوّط عليه .. مش بينفتح بيه على إى حد وخلاص إلا للى يقدّر الإنفتاح ده .. ويقدّس حُرمة المكان .. الركن ده لما بيفتحه بيبقى عارف إنه هايعيد له ذكريات صعبة هو مش بيستحملها لوحدة .. فا معنى إنه يفتحها معاك ده المفروض يستدعى منك كل مشاعر " الإحترام " وإنك تخلع نعل روحك وقلبك ونفسك وتدخل بشويش من غير تقييم ومن غير تفعيص ومن الأفضل من غير ولا كلمة .. جوه " حرم القلب " ممنوع الكلام و النقاش .. ممنوع التفسير .. ممنوع التصوير .. كل الممنوعات مش مسموح بيها .. فقط الصمت مع مراعاة " الإحترام " للإنسان المُنهك اللى سمح ليك بإنك تدخل قدس أقداس قلبه ... فمن فضلك ماتخذلوش حرم القلب

رد مع اقتباس