[Rena Jesus]

أسرتين دخلوا نفس المطعم، في نفس الوقت، اطفالهم نفس السن، أكلوا نفس الأكل،
اخدوا نفس الخدمة. خرجوا في نفس الوقت.
أسرة خرجت مبسوطة
وأسرة خرجت مش مبسوطة
الأم والأب مرهقين،متعصبين والأولاد بيزنوا.

عارفين إيه الفرق؟.؟؟
الأسرة الأولى كانت مقررة تنبسط عشان كده ما فيش حاجة قدرت تضايقهم ولا حتى شقاوة الأولاد.
في الأول وفي الاخر هي خروجة الهدف منها الانبساط.
والأسرة التانية خرجت عشان تنبسط لكن الحاجات الصغيرة قدرت تعكنن عليكهم.
الأولاد بيتخانقوا، ما خلصوش أكلهم، بيتحركوا، صوتهم عالي.
كل دي حاجات كان ممكن ما تضايقناش لو قررنا نتجاهلها وركزنا على المتعة.
الاسترخاء والاستمتاع قرار.. اتشجعوا وخدوه