[sama smsma]

" الَّذِي قَدِ اغْتَسَلَ لَيْسَ لَهُ حَاجَةٌ إِلاَّ إِلَى غَسْلِ رِجْلَيْهِ، بَلْ هُوَ طَاهِرٌ كُلُّهُ "
لما بنيجي من بره .. اول كلمه ماما بتقولهالنا .. ادخلوا اغسلوا رجليكم .. ولما كنت بسألها ليه .. كانت تقولي لان رجليكي اكتر جزء بيتعرض للتراب في الشارع .. انت نضيفه .. مش لازم تستحمي لما تيجي .. بس لازم تغسلي رجليكي ..
اتفاجئت بعد كده ان يسوع كان بيفكر بنفس الطريقه .. لما بطرس قاله اغسلي ايدي وراسي مع رجليا .. قاله مش محتاج .. لانك كلك طاهر .. واللي اتغسل قبل كده .. مش محتاج غير لغسيل رجليه ..
وده اللي بيعمله فينا العالم .. كل يوم بنتعرض لتجريح وازمات وخذلان .. كل يوم احنا بنجرح وبنكذب وبنعك وبيتعك معانا .. وييجي يسوع اخر الليل .. يقولك .. كلك طاهر .. بس محتاج .. تغسل رجليك ..
متقولش علي نفسك انك وحش .. واوعي تشوفي نفسك وحشه .. قلبك نضيف وجسمك طاهر .. كل الحكايه .. انك محتاجه تغسلي رجليكي ..
وهنا بيكون يسوع .. بماء حي .. يغسل رجليكي .. وينضف .. ويطبطب .. ده يسوع .. اب .. مبيقرفش مني .. مبيقوليش روحي انضفي وبعدين تعالي .. انما بينضفني .. ورغم ان هو الكبير اوي .. بيغسل لي رجلي .. ❤
كلك جميله