المرض وجوزي وحماتي وعيشتي .. مِش صليبي!
الصليب من زمان معروف إنه علامة للموت واللي كان بيتحكم عليه بالموت كان بيُجبر يشيله.. لكن المسيح ما أجبرش حد على شيلته بالعكس الآيه بتقول "إن أراد أحد" يعني ببساطة اللي عايز .. وليه بيقول اللي عايز، لأن مشوار الصليب فيه ألم ووجع، وانت بتختار إنك تمشيه بمزاجك مش غصب عنك ومشوار صعب وتقيل، وممكن جداً يوصل للموت.. بده كله "علشان اسم المسيح" مش علشان أي حاجة تانية، زي بالظبط التلاميذ شالوا صليبهم وفيه منهم اللي ماتوا واللي اتقتلوا واللي اتحرقوا أحياء علشان بيشهدوا عن يسوع، هو ده الصليب اللي الرب قال عليه
مش كل ألم يبقى صليب، ولا كل مرض يبقى صليب، لازم نفكر تاني في مفهوم الصليب..