[walaa farouk]

نصيحه للناس المترددة.
التردد ده بيكون له اسباب عديدة. اسمح لي ألفت انتباهك لأهم سبب.

هانتخيل انك بتشتري بنطلون . . . اللي بيحصل معاك كالآتي.

انت بتشوف البنطلون وبيعجبك من النظرة الأولي وبتشوفه مناسب.
لكن بعد ثواني معدودة بيبدأ عقلك يفكر ياتري اللون ده غامق شوية ؟
ف تبدأ تخاف ليكون اللون فعلا غامق درجه عن اللي انت بتدور عليه.
ويبدأ مخك يركز على الخوف. ويبدأ الخوف يتملك منك.

زي بالظبط ما تكون ماشي في صحراء. وتشوف نقطه سمراء من بعيد. وتقرب منها. وتقرب اكتر وتكتشف انها شجره وتقرب اكتر واكتر لحد ما تلتصق بالشجره. وتتحول الشجره في دقائق من نقطه صغيره كانت بعيدة وتصبح هي كل مساحة الرؤية اللي ادام عينك. وعينيك مش شايفه اي حاجه غير ساق الشجرة بس.

ده بالظبط االي بيحصل معاك. بتركز اوي اوي على الحاجه اللي انت خايف منها. وتقرب منها وتركز عليها اكتر لحد ما الخوف يتملك منك.
والنتيجه
ان اقتناعك بالبنطلون اتحول في ثواني لعدم راحة. وعدم اقتناع.
بسبب ايه ؟ بسبب انك انت اللي استسلمت للخوف انه يسيطر عليك.

⬅️ لو انت عارف انك شخصية مترددة. وعاوز تاخد قرار. لازم تعرف ان غالبا غالبا رأيك الأول وانطباعك الأول هو االي صح.
⬅️ خطورة التردد بتزداد لما يتحول الشخص لإنسان معدوم الرأي والشخصية. لأنه دايما بيستني رأي اللي جنبه عشان يوجهه في طريق من الطريقين اللي هو محتار فيهم . . . والنتيجة انسان ( فارغ ).
⬅️ التردد والخوف ده شيئ خطير للغاية. لانه بيتحول لمرض ملازم لك في كل حياتك. المسأله مش مسألة بنطلون. الموضوع أعمق من كده.