انا نفسي ف واحد لو سبته ..
يفضل ماسك جدآ فيا
انا نفسي ف حد يقويني
مش يقدر يستقوي عليا
انا نفسي ف حد ف يوم ضعفي
يستحمل تعبي ونرفزتي
يداويني ف تعبي .. يطمني
انا نفسي ف واحد وانا ببعد
الاقيه برضه قريب مني
ساعة ما اتعصب .. يسمعني
وبحضن كلامه يهديني
قبل ما اضيع منه .. يلحقني
من نفسي يحاول يحميني
انا نفسي ف حد يخليني ..
مش خايف يبعد ويسيبني
يخسر مليون حاجه وحاجه
علشان كان عايز يكسبني
يوعدني ويوفي وميسبنيش
يفضل جنبي .. وميخذلنيش
وميتغيرش ف يوم ابدآ
يتعب علشاني .. ميتعبنيش
ويكون قوتي .. واللي ف صفي
ميكونش ف يوم نقطة ضعفي
وميكسرنيش .. وميوجعنيش
انا نفسي ف حد ميجرحنيش ..