[Rena Jesus]

ليه الجواز عن حب بيفرق..

اقولگو انا لييييييه

_ عشان من نظره اقدر افهم كلام كتييير عاوز يقوله .....
_ عشان لما يرجع م الشغل استقبله بحضن وضحگه قدام عيالى محسش ان عيب الولاد يشوفونا كده لا بالعگس يكونو مبسوطين ان بابا وماما بيحبوآ بعض
_ عشان لما يگون مش معاه فلوس نگمل بيها بقيت مصروف البيت اطلعله بالفلوس اللى ادهالى من اول مكافأه فى الشغل فيتبسط ،
_ عشان لما يقعد مع اهلى يكونوا حبينه ويعتبروه واحد من عيالهم من كتر منا بشكر فيه وف معاملته ليا وهو مش موجود
_ عشان لما يزعلنى واقعد اعيط يجى يبوس راسى ويقولے انتى حبيبتى انا اسف احس بندمه فعلاً فنتصالح ومنمش زعلانين من بعض
_ عشان لما اغلط واكون خايفه م انه يعرف اروح انا واقولوا ويكون رده‍ انتى بنتى فى واحد يزعل م بنته عشان غلطت برضوآ
_ عشان لما اتخانق انا وهو مجريش احكى لاهلى واقولهم انتوا السبب لا احنا نحل مشاكلنا مع نفسنا ف بيتنا
_ عشان لما يسهر مع صحابه طول الليل وميعبرنيش واتقمص فيقعد يتفرج معايا على اي حاجه بيكرها عشانى
_ عشان لما الدنيا كلها تكون ضدي اهرب لحضنه واستخبى جواه،
_ عشان لما حد يقول عليا كلام وحش يقطع لسانه ويرجعلى كرامتى ،
_ عشان لما يتقفل علينا باب واحد محسش انه غريب عليا ،
_عشان لما اتعب هو اللى يفتكر يدينى الدوا وميقرفش منى ،
_ عشان لما يشوف واحده احلى منى ويبص عليها اكشر واتعصب فيبوس ايدي ويقولى انا معايا احلى واحده ف الدنيا وغيرها ميهزش من شعره فاضحگ وانا عارفه انه كداب
_ عشان اكون مستقويه بيه ع الدنيا واحس ان ليا ضهر اتحامى فيه
_ عشان لما عيالنا يكبرو ويشوفوه بيهزر معايا ويدلعني يضحكو ويتمنوا يعيشوا حياتهم مع حد بيحبوه زينا عشان كل اللى يعرفنا يقول يا بختكوا ♥

_ ده الي هصحى كل يوم على وشه .. هبقي عاوزه اصحى اصلاً عشانه .. حد ممكن اقفله ف المطبخ طول اليوم ف الحر م غير ماحس بتعب عشان اعمله بس اكله بيحبها ..
_عشان ده اللى هتعب قدامه واسخن واخرف وارجع ويقف يسندنى لو مش حب هيقرف ويقف بعييد..
_ لما مبقاش قادره امشى يشيلنى.. يبقى فاهم اد ايه الدنيا بهدلتنى .. ابقى واثقه انه هيشوف عيوبى كلها وهيحبها گمان
_ لما اعيط ياخدنى ف حضنه ويطبطب عليا ويضحكنى مش يقول عليا نكديه
_ يبقي عارف كل نقط ضعفى ويقويهالى مش يزلنى بيها ..

يعنى من الأخر كده هيبقى حنين عليا