[Rena Jesus]

أعتقد الجراءة الحقيقية مش أنك ترمي نفسك من الشباك او توقف قدام عربيات في طريق سريع ..
مش أنك تتخانق مع أكبر عدد من الناس أو اي حد يضايقك تروح شتمه و انتا بتصرخ "أنا مبيهمنيش حد !! " ..
جراءة مش مجرد أكله ايس كريم في ديسمبر زي ما صورها لنا الفنان عمرو دياب او نطة من شلال افريكانو زي عبر لنا الفنان أحمد السقا ! ..

أنما أعتقد الجراءة في انك تستأذن من مكان حاسس ان وجودك فيه بيضرك مش بيفيدك أو أنك تأقفل في مكالمة عملالك صداع بتشغل من وقتك و مزاجك ..
الجراءة أنك لما تخرج مع أصحابك تكون علي طبيعتك ، مش بتعمل الحاجة عشان هما بيعملوها أو تقبل تظهر بشكل معين عشان تمشي علي هواهم ! ..
الجراءة الحقيقة أنك تلفظ اي حد من حياتك بيستغلك حتي لو متخيل حياتك مستحيلة من غيره و تتمسك بالناس اللي بجد مؤمنه بيك حتي و لو حاربك العالم كله عشان تبعد عنهم ..
الجراءة إنك تعترض وقت حتمية الإعتراض و تعترف بغلطك لما تلاقي اثبات علي الصح ..



انك متنافقش عشان مصلحة او ترقية أو توافق عشان مكسوف او خايف ...
إنك تسترد زمام حياتك و تصدق أن جوهر الإنسان في قيمه و مبادئه ..
الجراءه إنك تتحمل المسؤولية من غير صوت عالي و لا تعليق الإتهامات و الأهم إنك تكون ناضج كفاية للخروج برا فقاعة التبريرات ...

ففي وجهة نظري ، الجراْه الحقيقية أنك تعبر عن اللي في قلبك بكل صراحة و حزم ..
أنك تحترم وجودك كإنسان بالرغم من ضعفاته و نواقصه له كيان واضح من حقه الوجود و الحياة ...