وييجي في وقت يقطع عنك كل "مخدراتك النفسية".. علاقات.. وضع اجتماعي.. خطايا مريحة.. زحمة حواليك.. حاجات كنت مطمن لوجودها وباني عليها أمانك.. حاجات كنت بتستخبى فيها من وجعك هاتتاخد منك.. هاتتسرق من حياتك.. وتتعرى قدام نفسك لأول مرة من غير أي عكاز تتسند عليه..
وقتها "هاتتخض" من كمية الجرح والوجع اللي هاتشوفه جواك.. و وقتها برضو هاتبدأ أعراض الإنسحاب.. وجع.. شك.. احساس بالوحدة.. توهان.. انعزال عن الكل.. عياط هستيري اوقات كتير..
ويبدأ (لأول مرة) صوت صراخك يعلى بكلمة واحدة بس.. "إرحمني"!
ساعتها -وساعتها بس- هايديك هدية غالية أوي اسمها "الحضن السماوي"، هدية مكنتش تقدر تستقبلها قبل كدة (لأنك مكنتش فاضي تستقبلها الحقيقة).. والحضن السماوي "هايبلع" كل خوف وتوهان و"يُتم" جواك.. ساعتها بس هاتحس بالشفاء.. ساعتها بس هاتفوق وتواجه الحياة من غير مُخدرات..
#الحُضن_السماوي