كلمة أسرة التحرير
النهارده العدد الثانى من مجلة فرح الخلاص(صوت الفرح المسيحى)المجلة اللى بيحررها أعضاء المنتدى وده عدد شهر مايو2017 وكنا نزلنا العدد الأول الشهر اللى فات شهر إبريل2017
شهر مايو يشمل تذكارات كتير وأعياد قديسين وقديسات فى الشرق والغرب هنلاقى شهادة القديس مارجرجس والبابا أثناسيوس الرسولى وشهادة مارمرقس ونياحة القديسة هيلانة مكتشفة الصليب وكمان نياحة القديس أرسانيوس معلم أولاد الملوك والقديس باخوميوس أب الشركة ومننساش كمان تذكار القديس يوحنا الإنجيلى وسمعان الغيور(نثنائيل)
وتكريس كنيسة الشهيدة دميانة وتذكار ال3فتية القديسين وشهادة ارميا ونياحة القديس ياسون أحد ال70رسولاً ونياحة أيوب البار وكمان ميلاد البتول القديسة العذراء والدة الإله
وشهادة القديسة سارة وولديها ونياحة القديس الأنبا اسحق قس القلالى والقديس اندرونيكوس أحد ال70رسولاً والقديس يونياس أحد ال70رسولاً وكمان نياحة البابا يوأنس السابع البطريرك ال78 وكمان مهم جداً مننساش عيد الصعود
ولو مسكنا التذكارت فى الغرب فى شهر مايو هنلاقى 3 تذكارات مهمين جداً وهى أول مايو القديس يوسف النجار شفيع العمال وده متوافق مع عيد العمال وكمان 13 مايو تذكار عيد ظهورات العذراء فى بلدة فاتيما فى البرتغال للأطفال الثلاثة جاسنت ولوسيا وفرانسوا عام 1917 وكمان مهم جداً 22 مايو عيد القديسة ريتا الايطالية شفيعة المستحيلات
احنا مش بننسى حاجة وبعد العدد اللى فات ما نزل مباشرة تانى يوم على طول ابتدينا نستعد للعدد التانى اللى هو ف ايديكم النهارده واجتمعت ادارة المجلة وشوفنا تذكارات وأعياد شهر مايو فى الشرق والغرب وازاى نعمل توليفة حلوة تسعدكم وتفرحكم علشان كل حاجة وكل عمل أول حاجة ف نجاحها هو الحب وكمان التخطيط والاستعداد لأننا مش بانزل حاجات وخلاص لأ..لازم المواضيع تكون مناسبة للأعياد والتذكارات فى نفس الشهر
عايزين نقول حاجة مهمة-المجلة مفتوحة لجميع الأعضاء بالنسبة للتحرير أو اللى عايز يكون من ضمن أسرة التحرير بنرحب بأى عضو واللى عايز ينزل أى حاجة يتواصل مع أخوتنا مارى نعيم وماجى وولاء فاروق وماريت
ويارب عدد مايو يعجبكم وكل سنة وانتوا طيبين