25 - 04 - 2017, 09:20 AM
|
|
|
|
..::| الاشراف العام |::..
|
|
|
|
|
|
عن أيمان الأطفال
لقيت مريم بنتى جايبه توتا عروستها وحطها على الطبليه
مره واحده ووقفت وحطتت ايدها عاليها وعنيها لفوق على صورة بابا يسوع
وبتفتح عنيها وبتغمض وساكته سألت يوسف اخوها بسرعه مال عروسة مريم
قالى يا بابا الجهاز اللى جوه بيظ او عايز حجر ساعه
اللى بيقول بابا وماما وصوت ضحكه وتوبان نوم فهمت كده ان توتا عيانه
فسالت مريم مالك يا مريم قالت بنتى عيانه ومش بتتكلم
قولتلها نجبلها دكتور قالت لاء خلاص بابا يسوع كلمته وخففها..
طيب قلتى له ايه...
قالت قولت له يا بابا يسوع خفف توتا بنتى علشان هى تعبانه وخليها تتكلم
وبس وأهى توتا اتكلمت
ولقيت شعر راسى طأطأ انا قولت الحجر اكيد كان مهزوز
ببص لمكان الحجر ملقتوش ورشمت الصليب وسكت
وطلعت شقتى وبكيت وقولت اعن ياربى ضعف ايمانى...
لو عندك طلبه خالى طفل يصلى لك ...ربنا يسمع له
لان قلبه الصغنن واثق فى الهه. بلغة السماء والملايكه
(قبل ما ترفع الطلبه بين ايدك اتشفع بطفل يصليلك)
|