لو انت مش مصدق انك ينفع تتغير للاحسن ..
لازم تعرف ان الحياة عمرها ماهاتبقي ثابتة
اما انك اسوأ ..او افضل ..
انك مصدق انك زي مانت ..ده عرض من اعراض الاكتئاب
مفيش في الكون حاجة ثابتة
بص للجو ..الشمس ..القمر ..الزرع ..البحر
الشجرة اما بتدبل او بتطلع ثمر
ده حتي الشجرة البلاستيك ..لونها بيغير ..مع الوقت
الاكتئاب بيثبت الصورة ..و يعمل Pause
مفيش مشاعر طبيعية ثابتة
حتي ذكرياتنا ..طريقة تعاملنا معاها ..بتتغير يوم بعد يوم
لو ثبتنا ذكري..علاقة مثلا ..و قعدنا نسترجع فيها عشان نسلي مشاعرنا ..بصورة ثابتة ..متكررة ..ده برضه مرض
الحياة مية جارية
و المية الراكدة موت ..