[walaa farouk]

"حوار بين الانتحاريين"
"قبل الأنتحار"
انتحاري 1 :- ايه يا معلم جاهز
انتحاري 2 :- طبعا يازميلي
انتحاري 1 :- عايزك تولع الكاتدرائية واوعى تنسى الراس الكبيرة
انتحاري 2 :-اكيد ده انا هخليهم ماينسوش اليوم ده
انتحاري 1 :- وانا هفرتكلك كنيسة مارجرجس طنطا واشوفك فوق بقى
انتحاري 2 :- بقولك ال يسبق التاني على فوق يظبطله الجو ويروقله الدنيا
انتحاري 1 :- طبعا يازميلي دي ليلتنا انهرده احنا عرسان يامعلم، انت ناسي ايه مستنينا فوق ؟
انتحاري 2 :- انسى ؟ ودي حاجة تتنسي برضه ههههههه
انتحاري 1 :- ههههه ربنا يقوينا
"بعد الانتحار"
انتحاري 1 :- الله يخربيتك ياغبي بتفجر نفسك ع الباب مش تعمل زي
انتحاري 2 :- ايوة ياعم هنيالك انت دخلت و حصدت كتير ، مكانك فوق اكبر
انتحاري 1 :- اده ، ايه ال احنا شايفينه
انتحاري 2 :- الله ملايكة شايلين اكتر من 30 اكليل شكلنا هناخد اكليل على كل واحد قتلناه
انتحاري 1 :-غبي .. طول عمرك غبي ، تحت تفجر نفسك برا الكنيسة ، وفوق غبي برضه
انتحاري 2 :- انت لسه قليل الادب، غبي ليه بس
انتحاري 1 :- الاكاليل دي ليهم، انت مش شايف هما منورين ازاى ولابسين ابيض
انتحاري 2 :- ايه النور ده ، انا عمري ماشفت سرور ونور وهيبه كده
انتحاري 1 :- ولا عمرك هتشوف يابن الفقرية
انتحاري 2 :- ايه امال فين ال قالولنا عليه
انتحاري 1 :- اده اده
انتحاري 2 :- فيه ايه ؟!
انتحاري 1 :- انتوا مين؟!
انتحاري 2 :- مين ال لابسين اسود دول ؟!
انتحاري 1 :- عايزين مننا ايه؟!
الشياطين :- الى مأواكم الجحيم ومنه الى جهنم النار الابدية
انتحاري 2 :- ايه انتوا اكيد غلطانين
انتحاري 1:- انتوا مش عارفين احنا نبقى مين
الشياطين في سخرية :- هاهاهاها تبقوا مين يعني ؟؟؟ هاهاهاها
انتحاري 1 :- احنا احنا الشهداء ال قتلنا الكفرة
انتحاري 2:- ايوة الكفرة ال قتلنا الشهدا ، ايه اقصد زي مابيقول كده (الشهدا ال قتلنا الكفرة)
انتحارى 1 :- اسكت خالص ، انت هتودينا فداهية
ابليس :- هاهاهاهاهاها انتم شهدائي انا ، شهداء الباطل ، شهداء شهوات الجسد هاهاهاها
انتحاري 2 :- يانهار اسود ياليله طين
انتحاري 1 :- يخربيت امك جاي تندب هنا
انتحاري 2 :-انت ال خليتنا نغور لل كان السبب ونسمع كلامه
انتحاري 1 :- سبونا ، ارحمونا ، احنا فهمنا غلط
انتحاري 2 :- مستعدين نسجد تحت رجلين الشهدا
انتحاري 1 :- احنا اضحك علينا
انتحاري 2 :- ايوه فهمونا بكده هنبقى شهدا