[Rena Jesus]

الباب الضيق والباب الواسع:




إيه هو الباب الضيق؟
عندنا سكتين إما الباب الواسع وإما الباب الضيق.
ربنا بيقول طريقى سكته ضيقة هو ده الباب بتاعى.
الطريق الرحب، الواسع، المنور، السريع ده يؤدى إلى الهلاك والمفروض ما أدخلش فيه.

س) هل أنا فى السكة الصعبة؟سؤال لازم أجاوبه..
الباب الضيق هو يسوع، الطريق الصعب هو يسوع.
اجتهدوا أن تدخلوا من الباب الضيق علشان فيه ناس هيطلبوا يدخلوا، لكن هيكون فيه وقت تيجى تدخل تلاقى الباب إتقفل.

فى (تك 7) آية 1: وقال الرب لنوح ادخل أنت وجميع بيتك إلى الفلك.
آية 5: ففعل نوح حسب كل ما أمره به الرب. آية 16: وأغلق الرب عليه. 17: وكان الطوفان.
ربنا اللى قفل الباب بإيديه، وأغلق الرب عليه وكان الطوفان. بعد ما ربنا يقفل الباب ماحدش يقدر يفتحه تانى. ربنا لما هيقفل الباب فى يوم هيبدأ الطوفان على طول.
علشان كده بيقول فى (لو13: 24) اجتهدوا أن تدخلوا من الباب الضيق .

فيه وقت معين هنقف قدام ربنا وربنا هيسألنا السؤال ده: إنت دخلت من الباب؟
بس وقتها مش هينفع أى حاجة. أحياناً أفتكر إن عشان أنا مسيحى وأبونا عمدنى وأنا صغير ، فأنا رايح السماء وواثق من ده. لكن الحقيقة مش كده، إن من يوم ما آدم أخطأ أنا رايح على جهنم... طيب لو عمدونى أروح فين؟ هنجاوب على السؤال ده فى آخر الكورس.

إذا لم أختار بإرادتى إنى أدخل من الباب الضيق النهاردة، أبقى فى الباب الواسع.

لو أنا مش متأكد إنى أخذت قرار فى يوم من الأيام إنى أدخل من الباب الضيق يبقى هأروح جهنم.
وتأكد من ده: لو ما غيرتش إتجاهك فى الطريق، مافيش أي حاجة تقول أني رايح السما. تغيير الإتجاه مهم جداً.

** وممكن مثلاً أتأثر فى مؤتمر من الترانيم والكلمات وألاقى كل الناس اللى حواليا اتأثروا فأضطر أبدأ أصلي أنا كمان..
ممكن ده يكون مجرد تأثير نفسي ويروح بعد شوية، اللي يحكم في الموضوع ده هو هاكمل إزاي..

فالـ U Turn ده فرصة وبعدين هيُغلق الباب. أحياناً نكون نعرف عن ربنا ، لكن ما نعرفش ربنا نفسه.
+ أطلب من ربنا كده : أقوله أنا عايزك تباركنى دلوقت.. عايز أبتدي معاك....
لأنه ممكن ربنا يقولك أنا كنت موجود فى الإجتماع ده وإنت ما استغلتش الفرصة.