[sama smsma]

نصائح للراحة النفسية و الروقان و الإنسجام


💇👸👑💐
التزمي بيهم و شوفي النتيجة
١- كلمة حاضر بتريح ... قولي حاضر كتير
٢- لما تكوني مش مقتنعة بكلام الي قدامك متجادليش قولي تمام و خلاص هو/هي كدة كدة مش هيقتنع
٣- اشربي ينسون و نعناع و شاي اخضر كتير ( مخدرات طبيعية ) 😂😂😂
٤- متعليش صوتك عشان ميتمسكش عليكي غلطة
٥- تحلي ببرود الاعصاب و ابتسمي للعالم -
٦- ركزي مع نفسك انتي بس مش مع حد تاني
٧- كلمة حاضر بتريح ... قولي حاضر كتير تاني
٨- فكري الف مرة قبل ما تكلمي
٩- الوحدة احسن من اللمة الكدابة
١٠- متجريش ورا حاجة ولا ورا حد
١١- دافعي عن افكارك بس مش مع اي حد لأن مش اي حد هيفهم
١٢- خليكي واثقة في نفسك ... عشان تعرفي تعملي اي حاجة من الكلام دا
١٣- اثبتي علي موقفك دايماً مادام صح
١٤- اعترفي باخطائك ... عادي كلنا بنغلط
١٥- متسمحيش لحد يلغي شخصيتك
١٦- انتي حاجة كبيرة مش لازم تستني التقدير من حد. قدري نفسك
١٧- ساعدي نفسك عشان توصلي لسلام نفسي يخليكي تتقبلي اي حاجة بتحصل
١٨- كل واحد عنده مشاكل فانتي طبيعية متقلقيش
١٩- انتي مش مضطرة تحاربي في حرب مش بتاعتك.
٢٠- كلمة حاضر بتريح ... تالت
٢١- انقذي نفسك قبل ما تفكري تنقذي حد
٢٢- شجعي نفسك دايماً و خليكي مصدر قوتك
٢٣- خليكي دايما فاكرة ان ربنا خلقك ليكي لزمة ... محدش ملوش لزمة
٢٤- متجيش علي نفسك كتير ... انتي مش مضطرة
٢٥- كلمة حاضر بتريح ... و اعملي الي انتي عوزاه فالاخر