[Rena Jesus]

- في فيلم "بلبل حيران " "زينة" كانت دايما بتكنسل على "بلبل" ومبتردش عليه ولما يسئلها مبترديش ليه ؟ تتحجج ف تقوله مبسمعش الموبايل ، مبكونش فاضيه .. إلخ ، "بلبل" قالها في مشهد أن "كتر أتصالي بيك في أوقات مختلفة وأنت مترديش ولا حتى لما تفضي تتصلي ده أسمه "تجاهل". والتجاهل مبيتغفرش.

- هى فعلًا كانت بتتجاهله ..
لكن فى الاخر زعلت اوى انه سابها وخطب غيرها برغم انها لو كانت أهتمت شويه وبطلت الحاجات اللى هي شيفاها تفاصيل صغيرة كانت كسبته ، التفاصيل الصغيرة دي لما بتتراكم بتبقى مشكله كبيره.

- بنت اعرفها كلمتني تاخد رأيي قالتلي انا متجوزة وعاوزة أطلق ،
فَ سألتها عن أسبابها ، قالتلي جوزي سافر من سنتين وسابني وكل ما أكلمه ميهتمش ويكنسل ، أقول الله يعينه ،
أبعتله رساله انه وحشني وبحبه ويخلي باله من نفسه ، ميردش.

- بعد فترة كرهت بعده وحسيت أني محتاجة لراجل ،
طلبت منه يرجع ف أتحجج بالشغل وبعد خناق كتير رجع ،
الحياه مملة ، مفيش بينا كلام ، مبيهتمش بزعلي ، تعبي ، ضحكي ،
مبيهتمش بحب أيه او بكره أيه ،
حتى لو بسمع مسلسل او فيلم ينقل ع قناة تانية دون اي مراعاه لزعلي ،
ولما قلتله الحجات الصغيرة دي بتزعلني ،
رد قاللي ماهي حجات صغيرة متحطيش ف دماغك.
ودلوقت عاوزة أطلق بس هو رافض ف هرفع عليه خلع.

- حاولت اني ارجعها عن قرارها ، نديله فرصة تانية يمكن ينصلح حاله ،
رفضت تمامًا وأصرت بكل قوتها ع الأنفصال وقالت خلاص ،
الشخص ده موت فيا حاجات كتير وهو كمان مات ولو هعيش عمري كله من غير جواز مش هرجع لحد ميهمهوش رأيي ولا بيهتم لأي كلام ويايا ..
وبعد فترة كلمتني قالتلي ع فكرة أنفصلنا.

- المقصود الخُلاصة :
التفاصيل إللي بنشوفها صغيرة جدا مش ظاهره وهي كل واحده لوحدها
انما لما نحطها جنب بعض بتعمل مشكله كبيره
ومتنسوش ان ف الأخر الجبل هو شوية رمل و حصى صغير ببس متراكمة فوق بعضها.
وأفهموا كويس أن بنت أو راجل بيحبك لما تفرحه ، لما تضحكه ،
لما تهتم للي بيهتم بيه وتشاركه تفاصيله الصغيره.