مبدئيا كدة ،
أحنا مش أولياء أمور اي حد بنحبه او بيحبنا !!!
فمينفعش تحت اي سبب نتعدي حدودنا في تغيير او تعديل اي شخص متعلق بينا !
و المبرر يبقي أن ده لمصلحته أو الأفضل ليه ! ...
فكبشر مليانين بلاوي و نواقص و حطام نفسي و معنوي بالكوم ! ..
لكن كل المطلوب مننا تجاه الناس اللي بنحبها اننا نحب الحطام و النواقص ديه !
مش نعاير ، مش نتأمر ، مش حتي نصلح !
انما هو بنفسه اللي من حقه يصلح و يعدل و يغيير في نفسه لو احتاجنا لا يمكن نسيبه ! ..
بس لو مكانش في سماح من الشخص يبقي يا نختار نحب العيوب ديه و نتعايش معاها ...
او لو مش قادرين نستمر يبقي بكل هدوء و أحترام نستأذن من حياة الشخص ده ..
فكان في جملة بتقول :
I don’t want you to fix me, I want you to love the broken pieces
بمعني ( أنا مش عاوزك تصلحني .. أنما عاوز تحب قطعي المتكسرة !! ) ..
فنظريا لو أنت كامل و مفكش غلطة و انا حبيتك يبقي فين المحبة ؟! ..
بس لما تبقي فيك نواقص و عيوب و كل ده يسقط قدامي عشان بحبك ..
يبقي هي ديه المحبة ..