انا مش هاقول
زي اللي قالوا
دين ابوكم اسمة اية
انا جاي اقول
دين ابويا يعني اية
.....
دين ابويا يعني حب
يعني دعوة للسلام
دين ابويا م البداية
دين تسامح مش خصام
......
رغم كرهك رغم قتلك
وصاني اصليلك واحبك
دين ابويا ياعم داعش
مش سلاح يطعن ف جسمك
......
نفسي تفهم مرة واحدة
او تسأل نفسك سؤال
ازاي وانتو بتقتلونا
بنبقي صخرة من الجبال
........
دين ابويا اصلة روح
مش جسد اخرة التراب
يعني لما الروح بتصعد
بتتلاقي مع الأحباب
.......
دين ابويا اني احبك
حتي لو خليتني جريح
بكرة تفهم لما تتوب
هاتعرف يعني اية حب المسيح