[Rena Jesus]

الصورة رقم 2 . صورة طبيعية.
الصورة رقم 1. ده المنظر والالوان اللي بيشوفها اللي عنده عمي الوان.
وده مرض وراثي. نتيجة خلل في العصب البصري.

الغريب في المريض هنا.
انه مستحيل يكتشف لوحده انه عنده عمي الوان.
بمعني ان الانسان اللي عنده صداع بيحس انه مش طبيعي.
انما في حالة عمي الالوان مستحييييل يكتشف انه مريض الا اذا عمل اختبارات معينه.

واسمحو لي اوضح المعني اكتر.
ده مجرد مثال مش دقيق للتوضيح.
المريض مش بيقدر يميز اللون الأحمر عن الأخضر.
بيشوفهم الاتنين لون واحد ومختلف عن الأحمر والأخضر.
يعني البطيخه بالنسبة له لونها من بره زي من جوه.
ولو حلفت له ان اللونين مختلفين. مش هايصدقك.
تمام كده ؟؟؟؟

انا عاوز اقول ايه بقي؟
عاوز اقول ان الانسان أحيانا بيكون مريض ب
( افكار خاطئة عن نفسه
او عن رؤيته لبعض الاشياء
او افكار خاطئة عن اللي حواليه.
او تفكير خاطئ عن بعض المفاهيم.
او تفكير خاطئ عن اي شيئ ).
وبيكون مقتنع تمااااااما انه صح
( زي مريض عمي الالوان بالظبط ).
في حين ان تفكيره ده غير صحيح بالمره.
وممكن يجادل اللي ادامه ويعاند اللي ادامه ويحارب اللي قدامه.
وهو علي يقين بل منتهي اليقين انه صح.
في حين انه للاسف ......... 😕

⬅ لما اكتر من حد يَنْفُرْ من معاملتك ...... يبقي انت عندك خلل ومش شايفه.

⬅ لما تلاقي نفسك بتقع في نفس الخطأ مرات كتيره ..... يبقي انت عندك خلل ومش شايفه.

⬅ لما يكون عندك فكرة في دماغك مخالفه للمنطق...... يبقي انت عندك خلل ومش شايفه.
(لان المنطق غالبا غالبا غالبا بيكون صح).

⬅ لما تحاول في حاجه مره واتنين وتلاته وتفشل ....... يبقي انت عندك خلل ومش شايفه.

⬅ لما تفكيرك يتبدل من اليمين لليسار او العكس ...... يبقي عندك او كان عندك خلل ومش شايفه.

⬅ لما اكتر من واحد يشتكي لك عن عيب فيك اكتر من مره ...... يبقي لازم تصدقهم او على الأقل تفكر انك ممكن يكون عندك خلل ومش شايفه.

※ كلنا بلا استثناء ( كاتبا وقارئا ) مصابين بعمي الأفكار.
ف ياريت نحاول نعالج المرض ده.