[walaa farouk]

لما تيجي تحبي .. ترتبطي .. تتجوزي

-حبي اللي مش هتتكسفي منه أبدا .. مش هتتكسفي تقوليله مش معايا فلوس .. أو محتاجة فلوس .. او معلش مفيش هدية السنادي عشان الحالة وحشه ..
-حبي اللي مش هتتكسفي تاكلي قدامه مثلا و تفتحي بقك اووي ع سبيل المثال سندوتش من ماك او مانجه مثلا او تشربي بصوت او توقعي حاجة ع نفسك او تعملي فقاقيع ف العصير بالشاليمو أو أي عادة سوده انتي بتعمليها ..
-حبي اللي هتعرفي تتكلمي معاه بـ أي طريقه مهما كانت و مش لازم اوه نو و سوري و اكسكيوز مي بقي يا حاج و كده .. و مش هتتكسفي مثلا تسأليه عن معني كلمة او جملة قالها او لما تنطقي كلمة إنجليزي غلط او لما توضحيله إنك مش فاهمه حاجة ..
-حبي اللي مش هتتكسفي تقوليله عايزه ادخل الحمام .. ايوه هو الحمام مش بردون هو التواليت منين .. و اللي ممكن تقوليله عادي جدا تعبانه عندي إسهال او ف الشتا تطلعي منديل قدامه كده و من جوا وبزمة او اي قرف ممكن اي بني ادم يعمله
-حبي اللي أيام الإمتحانات مثلا او التعب او الاكتئاب مش هتتكسفي إنه يشوف عنيكي دبلانه ووشك اصفر و شفايفك بهتانه او شكلك مبهدل مثلا و لابسه لبس مبهدل سواء الوان او ستايل نفسه عشان دي اول حاجة قابلتك اول ما صحيتي و انتي قرفانه و شعرك منكوش و مع كل ده هيفضل شايفك جميلة برده ! .. <3
-حبي اللي تعرفي تطلعي قدامه البنت الهبلة الساذجة اللي جوا أي واحده فينا و مش دايما هتكوني مطالبه إنك تباني عاقله و كبيره و شخصية و كلامك يتوزن بالشعره ..
💪
-حبي اللي هتبقي طفلة معاه و هتعرفي تحكيله عن أي حاجة مديقاكي حتي ضافرك اللي إتكسر و إنتي بتفتحي علبة الشامبو مثلا و هيديكي الإهتمام كأن الحرب قامت أو إن في نيزك هيخبط الارض مثلا ^^ <3
-حبي اللي تقوليله نفسي ف لون منكير فحلوقي مثلا و ينزل يلف معاكي عليه لحد ما تلاقوه و بعدين يقعد يحطلك منه مع إنه ممكن يكون اول مره يمسك فرشة منكير و ممكن يلحوسلك صوابعك عادي ^^ <3
-حبي اللي يحب تفاصيلك المقززه المقرفه قبل تفاصيلك الحلوة اللي كل الناس بتنبهر بيها
-حبي اللي يتوه ف عنيكي و يقدر يوصف كل ذره و كل نظرة فيها و منها ... ^^
😍

من الآخر ..
حبي اللي تتجنني معاه وتقبليه ويقبلك بعيوبك قبل مميزاتك ..
و يفضل دايما يتمناكي حتي بعد 50 سنه لما سنانك تقع و وشك كله يبقي كراميش ^^
متقبليش ب أقل من كده <3