اتفقنا ان فيه ٥ رجاله ماينفعش تتجوزي واحد منهم ،هاتكلم دلوقتى علي الرابع :
٤- الحاكم بأمره
ده بقي ولد بيحرم عليكي كل حاجه ، ويحرم الحلال قبل الحرام ،
ماينفعش تكلمي صاحبتك فولانه ،
ماينفعش تهزري ع الفايسبوك وتقولي رأي ،
لازم تقوليلي نازله ليه و راحه فين وجايه منين ،
وياريت احسن ماتنزليش ،
لااازم تخدي إذني قبل ماتسلمي حتي علي ابوكي ،
ممنوع ممنوع ممنوع ،كل حاجه ممنوع .
لكن هو بقي من حقه يعمل كل حاجه في كل وقت ، يكلم بنات ماشي ،
يصاحب ستات ماشي ، يبقي له اصدقاء مسجلين قشطه ،
ومش من حقك تدخلي ولا تفتحي بوقك لان هو الراجل وانتي الست ،
هو الحاكم بأمره والناهي بجبروته ،
ده في علم النفس بيسموه ( شيزوفرينك بوي) ،
وترجمتها بالعربي ( واد اهبل وبرياله)،اوعي تتجوزيه .