[marit jesus]

#لما_تكون_بتكلم_حد
وتلاقي نفسك مش قادر تفهمه، او مش عارف توصل معاه لنهاية مشتركة في النقاش.😢
يبقي لازم تعرف فورا ان فيه مشكلة.☹
ودي ⬇ امثله لأشهر المغالطات الفكرية اللي بتقابلنا في كلامنا مع الناس.
هاتكلم عن 5 مغالطات فكرية النهارده.⚄
نفترض انك بتكلم مجموعة من الناس وبتقولهم ( والله المجتمع ماعتش فيه اخلاق. ولبس البنات معظمه بقي وحش &#128584.
وتلاقي رد الفعل كالاتي.
1. يعني هم الشباب اللي محترمين اوي ولبسهم محترم أوي ⚠
2. ماتتكلم عن اقتصاد البلد اللي بايظ. هي الناس في ايه ولا ايه ⚠
3. وانت مالك بلبس البنات. بتتدخل في حياة الناس ليه⁉
4. انت مش عاوزهم ينزلو اصلا من بيوتهم. بلاش ينزلو عشان ترتاح وتبطل كلام.😡
الاربع اشخاص دول كلهم وقعو في مغالطات فكرية. وصعب توصل معاهم لنهاية مشتركة. 😳
تعالوا بقي نفصص كلامهم.
1. ايه علاقة كلامك ب (نقطة الموضوع ). احنا كلامنا عن لبس البنات. ليه بتبعد عن ( نقطة الموضوع ). وتدخلنا في حاجه تانيه؟. لما نخلص كلام عن النقطه دي ونديها حقها في الكلام. ممكن نبقي نفتح نقاش تاني عن أخلاق ولبس الولاد. وساعتها عمري ماهاقولك حاجه عن لبس البنات.
2. ايه التعارض بين اننا نتكلم عن لبس البنات وبين الاقتصاد اللي واقع.
احنا مش في محاضرة اقتصاد. طالما بداية الكلام كانت عن موضوع معين. بلاش تهرب وتدخلنا في موضوع تاني. مش عاوز تتكلم في الموضوع،ماتتكلمش. براحتك. بس بلاش تدخلنا في موضوع تاني.
3. انا ماتدخلتش في حياة حد. طالما ماذكرتش اسماء يبقي انا بتكلم وبوصف ظاهرة موجودة. فبلاش تقولي انت مالك. لاني بشوف ده كل لحظة.
4. مين قال بلاش ينزلو. انا ماقولتش كده. هو يا إما ماينزلوش يا إما ينزلو بلبس ملزق كده. هو مافيش حاجه اسمها وسط ؟ ولا انت عاوز تهاجم وخلاص لان الكلام مش علي هواك.
الخلاصة.⬅ الكلام اصلا شهوة، ف ماتخليش لسانك يسبق تفكيرك، ركز في النقاش اللي انت فيه، وحدد موضوع النقاش وماتخرجش عنه عشان توصل لمساحه مشتركة بينك وبين ( ابنك،مراتك،جوزك،ابوك،صاحبك )
أما بقي بالنسبة للمغالطة رقم 5، فهي ( انك هاتلاقي ناس وبالأخص البنات، سايبه لُبْ الموضوع، وهاتتكلم وتتناقش عن المثال المطروح ). { والله ده مجرد مثال للتوضيح, ماتسيبش الاصل وتمسك في الفرع}
#فكر_قبل_ماتتكلم