كل ما الواحد "بيكبر" ... كل ما "بيتهد" ...
بيتهد مش معناها إن طاقته بتقل ... لا لا ... مفيش الكلام ده ....
بيتهد يعني "بيهدى" ...
طاقة المراوغة و "القط" بيحب "خناقه"
و الجري ورى "المجهول المرهق" بتقل بالتدريج ..
كل ما بتكبر .... كل ما زهدك للحياة بيزيد ...
كل ما بتبقى "إنسان" أكتر ... و "هش" أكتر ...
كل ما قلبك بيبقى أحن و أرق .....
كل ما بنبتدي نقدر "مشاعرنا" و "مشاعر" غيرنا أكتر ....
كل ما نميل "للوضوح" أكتر .....
بنقول "آسفين" من القلب ... لما بنجرح حد حبنا ..
حتى لو ما كناش بنكنله نفس المشاعر ....
بنخاف على اللي "معانا" ... و بنخاف نخسرهم ....
و أنت صغير ... مبتبقاش عارف قيمة "المشاعر" ...
و بتجرح .... و مش بعيد "تتفاخر" بده .....
بس لما بتكبر ...
بتبقى شايف في كل قلب حبك بإخلاص و اتعلق بيك ...
أمان .... حتى لو هتمشي .... مبتجرحش ....