10 - 02 - 2017, 03:27 PM
|
|
|
|
..::| الاشراف العام |::..
|
|
|
|
|
|
اما شفته في وسط الطريق و انا معدي توقعت انه حيجري و يسيب الطريق لما اقرب ..
لكن محصلش!
قربت اكتر .. برضه محصلش !!
فضل قاعد مأنتخ و مليان ثقة و تواضع و بيبصلي في عيني نظرة طيبة
بس في نفس الوقت قوية و ثابتة شكلها مش حتتهز!
خلاني الف من حواليه و اقف لحظة تفكر و احترام لقوته اللي مافيش عليها اي دليل في الظاهر !!
و قررت اصوره عشان اللحظة دي لحظة مليانة دروس في الاصرار و الثقة و التوكل!
و ساعة لما وقفت قرر يقولي كلمتين كمان افتكر بيهم الموقف.. قال:
في اللحظة دي ...
الزمن ملكي و المنطقة بتاعتي
لو مصدق لف حواليا..
لو مش مصدق .. بص لشجاعتي !!
الارض ارضي ...
و الشمس طالعالي برضاها
و الدنيا وصلة مدح ...
في جمالي و صياعتي
حتقولي "كلب" !!
حاقولك بس قلبي حديد
اصل اللي رباني كان كلب ..
بس شديد
بانظر لعين الطريق
امسح عراقيله
و انظر لعين اللي جاي
اكشف الاعيبه
انام في مغرس قديم
اصبح في عالم جديد
إِركن و بص لثواني
حتلاقي عندي الدروس
عايز تصور صور ..
الصورة من غير فلوس
أو روح و كمل حياتك
هلك و طحن و هرس
تدعك بإيدك حياتك ... تخش جوه الفانوس
|