ساعات بأحس ان الأنسان عامل زي البلونة ..
عشان يسمو و يطلع من وسط زحمة العامة و قرف المجتمع ، لازم يبقي مليان ..
مليان مشاعر ، افكار ، روحنيات ، مبادئ ، موسيقي ، ابداع ..
اي حاجة المهم يبقي مليان من جواه بحاجات قادرة ترفعه ..
الخطوة اللي بعد كدة هي انه يمنع تسريب الحاجات اللي اتملي بيها ديه لبرا ..
و ده بيحصل في الصمت و السكون ، أنه يقفل علي نفسه ..
فيبعد عن الناس اللي بتسلب منه فكره و روحه في مواضيع تافه و حوارات سطحية ..
تهدر مخونه النفسي في حوارات طفولية ملهاش اي قيمة حقيقية ..
تمتص طاقته الإنسانية و ترميها في قاع التفاعلات البشرية الساذجة !!
فهما كانت البالونة مليانه ، ممكن تكون المشكلة في التسريب ...