[Mary Naeem]

حاسس ان ربنا مشغول عنك وناسيك ..

عندك احساس ان ربنا بعيد عنك .. وحاسس كمان انه سايبك لعدوك يجرحك وجاي تقوله "الى متى يا رب تنساني كل النسيان. الى متى تحجب وجهك عني. الى متى اجعل هموما في نفسي وحزنا في قلبي كل يوم. الى متى يرتفع عدوّي عليّ." (المزامير 13 :1-2).
حاسس ان ربنا مشغول عنك .. حاسس ان ربنا ناسيك وانت مش على باله .. طب نفترض ده مع بعض انه حقيقي مع انه مستحيل طب مفكرتش ليه؟! مفكرتش تلفت نظره وتقوله انا هنا؟! مفكرتش تجري عليه وتقوله لأ يارب انا ابنك؟! مغيرتش على ابديتك وقولتله لن اتركك ان لم تباركني؟! مغيرتش وقولتله اضربني على فخدي علشان اجري بقلبي ناحيتك مش بعيد عنك؟! مخفتش على مكانتك عنده "واقول لكم ان كثيرين سيأتون من المشارق والمغارب ويتكئون مع ابراهيم واسحق ويعقوب في ملكوت السموات. واما بنو الملكوت فيطرحون الى الظلمة الخارجية. هناك يكون البكاء وصرير الاسنان." (متى 8 : 11-12). والأمم خدوا مكانك؟! موحشكش كلامه
موحشكش قعدتكوا ودردشتكوا سوا واما كنتوا بتتمشوا سوا ويشيلك على كتفه وانت مبسوط وتضحك وتلعب معاه .. نسيت كل ده؟!
افكرك بحاجه؟
فاكر اما كنت بتصليله وتقوله "انا دعوتك لانك تستجيب لي يا الله. امل اذنك اليّ. اسمع كلامي" (المزامير 17: 6).
فاكر كان بيقولك إيه قبلها "وادعني في يوم الضيق انقذك فتمجدني" (المزامير 50: 15).
جاي تقوله إلى متى يرتفع عدوي عليا بعد ماقالك "ولكنني انقذك في ذلك اليوم يقول الرب فلا تسلم ليد الناس الذين انت خائف منهم. بل انما انجيك نجاة .. لانك قد توكلت عليّ يقول الرب" (إرمياء 39 : 17-18). وبرضو اما قالك "واجعلك لهذا الشعب سور نحاس حصينا فيحاربونك ولا يقدرون عليك لاني معك لاخلّصك وانقذك يقول الرب." (إرمياء 15: 20). ولا عندك شك في كلامه؟!.

ها إي رأيك مش هوا هوا اللي انت فاكره ناسيك اللي صنع معاك العجايب وكنت دايما فوق كتافه ولا انت اللي عاوز تنزل تترمغ في الطين ويقولك هتتعب تقوله لأ انا راجل وهمسك نفسي ومش هقع ولا رجلي تغرس في الطين واقع جواه انا همشي فوقيه بس واشوفه .. وبرضو اما تقع وتتبهدل وتنجرح اول ماتناديله يرفعك بحنان ابوته ويغسلك ويعطرك ويلبسك اجدد ثياب واحلى لبس فاكر ولا ناسي ولا عاوز تنسى؟! فكر ورد لو ناسي قوله افتكرت لو فاكر قوله عمري ما انسى لو عاوز تنسى قوله اضعف ضعفي واكسر كبريائي قدام حبك يا إلهي. لأتنعم بحبك ورعايتك وحنانك.