[walaa farouk]

"أكفيكم منين بس!! "
وقفت واحدة بتقول كده لولادها في الشارع، بس هي كان باين عليها فعلاً مش معاها ومحتاجة..

أفتكرت علطول الست اللي مكنش عندها غير دهنة زيت، مش بس مكانوش لاقين ياكلوا، لا .. دا كان ابنها هيضيع منها، لأن الديان كان هياخدهم لو مسددتش اللي عليها .. أزاي قدرت تصدق أن بدهنة زيت وحبة دقيق هتقدر تسدد اللي عليها، لا وكمان الباقي تعيش بيه هي وابنها!! بصراحة لو ده الواقع اللي أنا بعيشه وحد قالي كده مش عارف رد فعلي هيكون أيه، لأنه لغى أي منطق في الحياة وهحس أنه بيستخف بعقلي، أو بيوزعني..

هو ده الإيمان "وَأَمَّا ٱلْإِيمَانُ فَهُوَ ٱلثِّقَةُ بِمَا يُرْجَى وَٱلْإِيقَانُ بِأُمُورٍ لَا تُرَى." (ٱلْعِبْرَانِيِّينَ ١١:١)، الإيمان يخترق أي واقع وأي منطق، الله مش ضد العقل والمنطق بالعكس هو خلق لنا عقول علشان نفهم نحلل كل حاجة حولنا، لكن الله فوق العقل والمنطق وأقوى منهم، فمتخليش إيمانك ونظرتك لأي أمر مُر تمر به على حسب اللي شايفه بعينك على أرض الواقع فهو«مِنَ ٱلْآكِلِ خَرَجَ أُكْلٌ، وَمِنَ ٱلْجَافِي خَرَجَتْ حَلَاوَةٌ».(قض١٤:١٤).
LifeinChrist.TV