التقليد مش كله سلبي ده رغبه طبيعيه عند كل الاطفال بدرجات والشخصيات الاجتماعيه بتحب التعليم بالمحاكاة او التقليد جدا
وده زي ما هو ميزه احيانا بيبقي تحدي
وساعتها الام بيبقي عندها ٣سيناريوهات محتمله
-أعاقبه واللومه علي ده وده مش هيوقف المحاكاه بس هيحسس الطفل بالظلم وانه بيتفهم غلط وده بيخلي بيرفض يسمعنا او يثق في رأينا بعد كده لاننا في نظره مش بنفهم وبنظلمه.
-أبعده عن اي حد بيعمل اي تصرف مش عاجبني واعمل بالظبط زي اللي لقي مركب مخرومه فراح حط المركب في بحر تاني عشان متغرقش
هو كده لا صلح المركب ولا حماها من الغرق ولا ضامن البحر الجديد وده نتيجته طفل عنده اعتماديه وضعف وقله خبره
-يااما تصلح الخرم متسيبش المركب واقفه اعملها شراع تمشي بيه
١-فهم ابنك تاثيره وتأثير اقرانه عليه
٢-عرفه علي نقط تميزه (الشراع)عشان يحس ان له هويه ونقلل من ضغط اصحابه عليه ويبقي شخصيه مستقله
٣-علمه يبقي بيعمل واقفه مع نفسه ويبص هو اكتسب ايه وايه اللي يكمل معاه ويطوره عشان ليساعده
وايه اللي هيوقفه ويوجد له بدائل تساعده ♥️
اوعي تتكلموا عن صحابهم وحش متعودهمش علي آفات اللسان الغيبه والنميمة
ناقشوا السلوك وعواقبه بس
شجعوهم علي التميز بدل ما تلوميهم علي التقليد عشان المركب محتاجه شراع
ربنا يبارك في المراكب كلها وكل مركب تخوض البحر وهي مدعومة وواعيه وواثقه في نفسها