[walaa farouk]

كام حد فينا فاكر أيام النور لما كان بيقطع كتير أوي زمان؟!

أنا فاكرة الوقت ده كويس، لما كان النور بيقطع كتير أوي زمان، كان بيبقى وقت وحش، أصعب احساس انك تبقى قاعد كده مش شايف حاجة حواليك وكأنك متكتف، لكن لما كان بيجي كان فعلاً بيبقى فرح في الشارع.. الهيصة اللي بتحصل.. بالنسبة لي وكأن الحياة رجعت تاني.
ولما كان بيجي كنت فعلا بتمنى انه ميقطعش تاني ويفضل موجود لاني حسيت بقيمته لما اتقطع!!
طب تخيلوا أن فيه ناس بإرادتها بتختار تقعد وقت طويل أوي في الضلمة!!

" الرب يسوع المسيح قال عن نفسه وعن كلامه، انه نور وحياة، ولغاية دلوقتي ناس مختارة انها تعيش في الضلمة، إزاي؟ هقولكم.. لما تقرر تقرا الكتاب المقدس مرة وتنساه باقي الأسبوع أو تقعد أوقات كتيرة مش بتصلي .. للأسف أنت جربت النور قبل كده.. بس أخترت تقعد في الضلمة .. طول ما الكتاب المقدس مش شاغل تفكيرك وقعدت مع ربنا هي من أولوياتك، هتلاقي حاجات كتير أوي تشغلك، وابليس بيعرف يستغل الحاجات دي أوي - مش شرط تكون حاجات غلط بتعملها- ممكن ببساطة يكون شغل بياخد يومك كله ومش بيبقى عندك وقت ولو حتى قليل تقعد فيه مع ربنا قدام النور اللي في كلمته.. راجع أولوياتك.. هتلاقي حياتك فرقت كتير..