[Rena Jesus]

القيمة رقم (27)



بتنفعل قدام ولادك غصب عنك و بتفقد اعصابك بعدين ترجع تندم؟ طب ايه الحل؟؟؟

طبعا لازم في الأول انك تهدى خالص عشان تكون اقدر على انك تاخد قرار اصح.
الموضوع محتاج تدريب لأنه مش هيجي من أول مرة.
بدل ما تسأل ابنك "ازاي تعمل كده" قوله " ليه بتعمل كده؟" ده بيديه و بيديك وقت للتفكير و الهدوء.
افتكر دايما ان ولادك زي السفنجة بيمتصوا منك التسرع و العصبية و الانفعال و ممكن يفعلوا الصفات دي في وقت و ظرف غلط لأنهم بطبعهم لسه خام و بيتصرفوا بالفطرة.

في طريقة لطيفة كانت بتعملها واحدة من الأمهات و هي انها تحط نفسها في موقف كأنها متراقبة من امهات تانيين عايزين يتعلموا منها و شايفنها مثل أعلى.
فكل سلوك بتعمله مع ولادها بتسأل نفسها الأول
"هل أحب ان باقي الأمهات يشوفوني على الحال ده؟" و تراجع نفسها بسرعة.