[walaa farouk]

اشارات المرور موجودة في الشارع علشان تنظم حركة السير ومن غيرها الدنيا هتبقى زحمة وواقفة وصعب انك تتحرك فيها، ورغم اننا عارفين اهميتها إلا انه مش كلنا بنلتزم بيها، أوقات بنضطر نكوم ملتزمين لما يكون فيه رقيب علينا ( عسكري واقف أو رتبة معينة) علشان بس ما ناخدش غرامة لكن طول ما السكة مفتوحة احنا مش بنهتم بيها أصلاً.. اشارة المرور مش هتمنعك ابدًا إنك ماتعملش الغلط، لكن هي كل دورها بس بتوريك الصح من الغلط وتسيبلك الاختيار ..

نفس الحكاية دي بالظبط ونفس القانون اللي الله حطه في الكتاب المقدس، ومن زمان االله كان مدي الاختيار لآدم ولشعب اسرائيل من بعديه " قَدْ جَعَلْتُ قُدَّامَكَ الْحَيَاةَ وَالْمَوْتَ. الْبَرَكَةَ وَاللَّعْنَةَ. فَاخْتَرِ الْحَيَاةَ لِكَيْ تَحْيَا أَنْتَ وَنَسْلُكَ " .. وكان كل واحد يعمل اللي شايفه صح! ومامنعهمش انهم يغلطوا مع انه كان يقدر! لكن الله احترم حرية الإرادة والفكر والأختيار اللي عند الإنسان لأنه خلقه على صورته .. ولسه باب الأختيار مفتوح قدامك .. هتختار ايه؟!