[Rena Jesus]

قلقان و بتفكر؟ ..طلعت لقدام اوي بالتفكير ؟ ... وصلت لحاجه؟
طب هدّي كده و لف و ارجع هنا.. عاوزين نتكلم في كام حاجه كده ..

واحدة واحدة:
- كل اللي انت قلقان منه ده لسه ماجاش و في علم ربنا .. صح؟
- وقت ما يحصل (ده لو حصل اصلاً) ربنا قادر يديك القوة و القدرة انك تتعامل معاه ساعتها ...
حتى لو القدرة دي مش موجوده دلوقتي لكن حتيجي في وقتها ان شاء الله!

- دايماً في احتمالين: ان اللي انت قلقان منه مايحصلش او انه يحصل! تمام؟
- لو حصل؛ دايماً في احتمالين برضو؛ انه يحصل و متعرفش تتعامل او انه يحصل و انت جاهز ليه..

- الطريقة الوحيدة اللي تخليك جاهز للي جاي ان يكون عندك "صلاه واستعداد وخطة"!
و ده كله بيبدأ هنا و دلوقتي
(مكان ما انت واقف برجليك مش مكان ما انت واقف بدماغك)

- اخيراً.. في كل الاحوال، حيحصل أو مش حيحصل!
حيحصل زي ما انت متوقع او بشكل تاني!...
انا و انت عارفين ان كله حيعدّي
وان كله للخير

stop
لف و ارجع بدماغك مكان ما انت واقف حقيقي هنا و دلوقتي
اظبط بوصلتك من نقطة البداية و اتحرك في الاتجاه الصح