بيصعب عليا جدا الناس اللي بتضيع أجمل ايام حياتها في المذاكرة علشان في الاخر تقعد في البيت ومتلاقيش شغل ، او تشتغل في حاجه ملهاش اي تلاتين علاقة بمؤهلها
احنا قدام منظومة تعليمية فاشلة عاملة زي الكانسر اللي بينتشر في جسم الانسان ويلازمه سنين طويله لحد ما في الاخر يجيب اجله
الكليات مليانه طلبه كارهاها بسبب ان مجموعها فرض عليها انها تدخلها
• هتقولولي مذاكروش ليه ! هقولكم يعني اللي ذاكر عمل ايه !
بلا وكسه ، مواد حشو درسوها وضيعوا وقت في مذاكرتها على حساب مواد تانيه كانوا محتاجين يتعمقوا فيها اكتر علشان يتخصصوا فيها
كل واحد بيذاكر قدامي بشفق عليه ، كانه بيشرب مخدرات وبيضيع عمره هدر
الكوميدي في الموضوع ان فيه كليات كتيرة جدا ملهاش مجال عمل في مصر ، اهو اسم شهادة وخلاص علشان تتجوز بيه
بتذاكر تجارة علشان تشتغل على توك توك
وفي الاخر يجي ابو العروسة يقولك انت خريج ايه يا ابني
تقوله تجارة
يقولك وبتشتغل ايه يا ابني
تقوله على توك توك
يقولك طب ايه علاقة التوك توك بالتجارة
فترد تقوله وايه علاقة السؤال بالجواز !!
حاليا اقدر اقولك مفيش احسن من انك تتعلم صنعه تكسب من وراها دهب ، بدل ماتضيع عمرك في تعليم علشان في الاخر تشتغل كاشير بمرتب ١٢٠٠ جنيه ، ده ان طولتهم ،،
اوعاك تدخل كلية مش حاببها ، او ملهاش مستقبل
فكر في موهبتك وشوف ايه الكلية اللي هتنميها واشتغل على نفسك في انك تبتكر في مجال انت اخترته ، جايز تكون أمل ...
#لنا_الله
#الغوا_الكليات_اللي_ملهاش_شغل
#الغوا_المواد_اللي_ملهاش_لازمه
#ادخلوا_ذاكروا