[walaa farouk]

لغة الجسد بتفرق جدآ .. ممكن تفهم بيها شخصية اللي قدامك من غير ما يتكلم .. وخصوصآ البنات .. يعني مثلآ لما البنت تكون قاعده وتفضل تحرك ركبتها شمال ويمين ، ده معناه انها متوتره ومش مبسوطه أو بتفكر في حاجه تانيه شاغله بالها ..
لما بتعض ف ضوافرها اعرف انها متعصبه ومتضايقه وتقريبآ مش طايقه اللي قدامها ..
لما بترفع حاجبها بتبقي مستغربه .. او شايفه اللي بيكلمها بيكدب عليها وهي عارفه وسايباه يحور .. لكن لو رفعت حواجبها الاتنين غالبآ بتبقي مصدومه من مفاجأه حلوه ..
لما تضحكلك وهي مش بتبصلك ..
وف وسط كلامكم تبص ع الأرض ، تبقي أكيد مكسوفه منك .. وف نفس الوقت طايره من الفرح .. الكسوف علامه من علامات السعاده عند البنت ..
لما بتربع ايديها وهي ساكته .. دي حركه لا اراديه بتعملها لما بتحب تسمع اللي قدامها .. وتركز ف كل كلمه بيقولها ..
لما بتلعب ف ايديها وهي بتتكلم .. تقريبآ بتكون خايفه من حاجه .. موجوعه ومش مبينه .. عايزه تطمن .. وممكن تعيط علي فكره ..
لكن لما بتلعب ف شعرها .. وخصوصآ لما بتكون لوحدها .. ده دليل رسمي علي انها سرحانه وبتفكر ف حد بتحبه .. وغالبآ بتعمل كده وهي علي السرير وبتسمع اغاني

لغة الجسد يا جماعه .. ساعات بتكون اقوي من مليون كلمه !