مهم جدا نفرق بين ،،
الانسان اللي " مهتم بوجودك " .. و ده انسان أنت فارق جدا معاه ,
واخد باله من تحركاته و تصرفاته ناحيتك
و بيحاول دايما بكل اللي يقدر عليه انه يوصلك انه قد ايه سعيد و فرحان انك في العالم بتاعه ..
و
الانسان اللي " مطمن لوجودك " .. و ده انسان حاسس براحة نفسية انك معاه ,
و مدرك تمام مدي تأثيرك الايجابي عليه ,
بس مع كدة عنده سلام داخلي ان اللي بينكوا صعب ينكسر او يضيع ..
فبتكونوا انتوا الاتنين مصدر امان و احتواء لبعض ...
و
الانسان اللي " ضامن وجودك " .. و ده انسان وصل ليقين انك كدة كدة مش حتسيبه او تبعد عنه ,
فمهما أنشغل عنك او مأدكش الاهتمام الكافي هو علي ثقة أنك مش حتقدر او حتي تعرف تخرج برا العالم بتاعه !!
........ فببساطة ،.
الموضوع مش انك تصارع او تجاهد أنك تبقي موجود في حياة اي انسان أو لأ ,
أنما تبقي راضي عن الوجود بالشكل ده او لأ ؟! ...
ففي النهاية , القضية هي قضية تفاعل أو إنعكاس لـ " وجودك " مش مجرد " وجودك " ..
cpd