زي ما عايز الناس تعاملك أنت كمان عاملهم
قد ما نفسك يحترموك قدرهم و احترمهم
وقد ماتحلم تاخد حقك كن عادل و أنصفهم
و زي ما كانوا سند لحلمك في حلمهم أسندهم
مش هتلاقي الخير لو ما قدمتهوش
مش هتعيش في سلام لو مانشرتهوش
مش هتشوف النور لو ماعملتهوش
مش هتدوق الحب لو ما عشتهوش
زي ما تحب تعيش براحتك سيب الناس تعيش
قد ما تتمني الخير لنفسك اتمناه للغير
و زي ما عامل علي مصلحتك أعمل للباقيين
ده اللي هتزرعه بأيديك هيجي يوم تجنيه