[Rena Jesus]

القيمة رقم (8)



أما يكون ابنك أو بنتك معاكي في لمة للعيلة أو للصحاب انتقي كلامك بحذر.
ابعدي كل البعد عن الأدانه والنميمة والكلام الجارح حتى لو بهزار.
متقوليش هو صغير و مش هيفهم بالعكس الطفل بيراقب كل كبيرة وصغيرة بيشوفها من أهله وبيمتص الأسلوب والمعاملة حتى لو بطريقة مش مباشرة.
صدقيني أما تلاقيه بيتريق على حد مثلا أو بيهزر باسلوب مش حلو اعرفي على طول ان ده سلوك مكتسب من جلسة حضرها في يوم من الأيام.
استغلي القعدات اللي زي دي انك تعلمي ابنك اسلوب الحوار لو منفعش تسيطري تماما على الحديث اطلبي منه يقوم يلعب أو متاخديهوش معاكي لو أمكن.