[Rena Jesus]

فايز راجع من على القهوه كان بيحضر الماتش مع اصحابه
وفريقه فاز وهو راجع مبسوط بقى وأول ما دخل لقى فايزه مكشره

_ فايزه ......... مالك قالبه وشك ليه كده ياوليه ؟


_ لا يا حبيبي ولا حاجه خالص
الحقيقه هو انت بس راجع من علي القهوة بقالك ست ساعات مع اصحابك بتضحك
فتقاطيع وشك مسمسة وبشوشة
لكن أنا يدوب بحل الواجب ومستحملة رغي العيال وزنهم وبعشي وبحمي وبنيم ..
ده غير شغل العيد طبعا والتنفيض والسجاد والخبيز والغسيل والحاجات اللى انت عارفها دى
فلازم تقاطيع وشي للاسف تبقي قالبة علي ماري منيب ..
ارهاق يا حبيبي ارهاق سمعت عنه ده ؟!

_ لا يافايزه ما سمعتش عنه.............
اوووووووووووووووووووووووف
لازم النكد ده كل ليله