[الشاعرة القبطية]

جرب مرة وإطلب يسوع

لما تلاقى الدنيا إسودت فى عنيك
متيأسش فى رحمة ربنا
خليك واثق فى حبه إليك
ومتزعلش من أى تجربة مؤلمة

مين إللى بيأوى العصفور
ومين إللى بيرزقك بخيره
ومين إللى بيعيشك مستور
هو يسوع المسيح مفيش غيره

لو الدنيا قامت وقعدت
متخافش من عواصفها
هتلاقى الهموم خفت
لما إيمانك بربك يغلبها

قوله يارب أنا عايز منك
وإللى فى قلبك طلعه
هتشوف منه إللى يسرك
وإللى خسرته فى حياتك هيرجعه

هو بيأخد مننا الضار
وبيبعت أفضل من إللى ضاع بكتير
عشان ممكن نعيش فى ضمار
ومشيئته وإختياره ليهم تدبير

ليه منكونش بعطاياه راضين
ولو مسكنا فى حاجة مش بنسيبها
وعشانها نعيش عمرنا فى أنين
ولما بيعوضنا بننساها ولا نريدها

عارف ليه الدنيا وحشة فى عنيك
عشان إنت بعيد عن ربنا
مشاكلك وأحزانك مأثرة عليك
ومش بتفكر تصلى أو تلجأله فى مشكلة

جرب وشوف إيدة القوية
هتحس بفرق كبير فى حياتك
هتترك كل الهموم الأرضية
وهتطلب دايماً الرب فى صلواتك

هتخسر الناس والدنيا من حواليك
ومش هتشغل بالك بحزن أو خوف
عشان هتحس بحبه لديك
وهتتأكد إنه إله محب وعطوف

جرب مرة وإطلب يسوع
زعلان أو فرحان مش فارقة
مش هتلاقى مكان للدموع
أو هتحس بألألام بالمرة

بقلم / الشاعرة القبطية
كرستين ميلاد