دقايق لو سمحت ..
كلنا مبسوطين ومستنين كيهك بفارغ الصبر وبوستات وعلي سبيل السعادة وبنحب كيهك ....الخ
طيب سالت نفسك انت بتحبه ليه ؟!
علشان بتروح الكنيسة يعني وبتسهر بره وتشوف اصحابك مثلا ؟!
ولا علشان اتعودت تستناه كل سنه وفي ناس فرحانه فانت فرحان معاهم ..
ولا حاسس بمعناه الحقيقي ..؟ ؟؟؟
ياتري مدركين ان المفروض الشهر ده احنا بنهيئ قلبنا لاستقبال رب المجد فيه..
ان الفرحة الحقيقة ان الشهر ده ننقي نفسنا لان في ملك جاي يزورنا بعد الشهر !..
وان احنا الشهر ده بنمدح ونطوب في العدرا علشان تتشفعلنا عند ابنها حبيبها علشان يقبل يدخل قلوبنا المتبهدلة دي..
ان في واحده في سن كل واحد فينا
..صغيره يعني..
كانت شايلة جمر اللاهوتية جواها !..
وهي يدوب معدتش ال15 سنه !!..
واتحملت مسئوليه صعب جدا حد يتخيلها !
ولكنها قبلت بكل تواضع وقالت هوذا انا امة الرب..
واحنا مش قادرين نتحمل مسئولية شويه مذاكره عندينا مثلا ؟!..
ولا مسئولية انك تجيب طلبات البيت او تهتم بحد او خدمه مطلوب انك تعملها ..
ولا مسئوليه شغل ....
او مثلا مسئولية بيت وجواز واسره...
الشهر اصعب من اننا نتخيله احداثه كتيره وصعبه وعظيمة في نفس الوقت
ياريت يبقي فرحنا فرح حقيقي له معني وهدف مش هو شهر بنستناه كل سنه وخلاص
قبل ما تقول اهلا يا كيهك بفرح بلقاك قوله تعالي يارب بفارغ الصبر انا بستناك.
حط هدف لشهرك ده انك تحب ربنا وتسبح له بس
مش عشان اى هدف شخص
حب ربنا لربنا