وقفت دقات الساعة
مع دقات قلب بشر
رافعة إيديها وقلبها
بتصلى لربها علشان
بلدها وشعبها
وقفت دقات الساعة
مع دقات قلب كل أم
بنتها نزلت تصلى
مارجعتش تانى لحضنها
وقفت دقات الساعة
مع دقات قلب كل أم
بتسأل الدور على مين من بعدها
راحت العروسة من قبل ما تحضر عرسها
وقفت عقارب الزمن والدنيا خلصت بعدها
يا ناس يا بشر
فى شرع مين اللى حصل
يارب طبطب على قلوبنا
وإشفى وجعنا وحزننا
نجنا من اللى ممكن يحصل
ومن تذكار اللى حصل