[روشا الفرفوشه]

العنوسه

دى ظاهره خطيره
وبنسمع دلوقتى إن الرقم بقى بالملايين
ودى حاجه بجد تخوووووووووف
وليها أكتر من سبب

طبعا الظروف الصعبه فى الحياه وقلة إمكانيات الشباب وعدم إمتلاكهم لمقومات الزواج وحاجاته
من مسكن
ومصاريف وخلافه
يعنى الشباب ليهم نسبة فى الموضوع دا
أوكى موافقين ومقتنعين

بس البنات ليهم ولا لأ؟
هل أهل البنت لما يغالوا فى طلباتهم دا سبب فى زيادة الظاهره دى وتفشيها فى المجتمع العربى ؟

فين السبب الرئيسى ؟
أو فين اللى نبتدى منه العلاج



العلاج مش بالمعارف والكلام والخروجات
مش بالصور والإنتشار
مش بالإعلانات والدعايا
مش باللبس الضيق والمكشوف
مش بأى حاجه من دول


العلاج من الأسرة
تتساهل وتفتكر زمااااااااااااااااااااااااااااان
كانت أنجح الزيجات بتبتدى ببساطه متناهيه
بشبكة بسيطه جدا
دبله وخاتم وشكرا
بفرح فى الكنيسة او فى البيت بكل هدوء والجيران معزومين وكوباية شربات وشكرا
والد العروسه بيتساهل مع العريس لأنه شاب وبادئ حياته عاوز يبتديها مرتاح مع واحده تصونه من الحرام والإنحراف

والعلاج من الشاب
حبيت او نقيت واختارت اتكلم رسمى وفض الموضوع فى اقرب فرصه
توكل على الله مش هيخسرك ابدا
بالعكس
ربنا هيقويك ويوفقك عشان النيه تكمل وتبنى بيت واسره

والعلاج من البنت
إحترمى كونك أنثى
هدوء ورقه وطبيعة خجوله
ولما يجيلك العريس ماتتعوجيش وتطلبى طلبات تحسسه إنه جاى يطلب إيد الملكة نفرتينى
إنتى أه أحسن منها ياستى
بس راعى إن رفضك لدا ولدا فى مقتبل عمرك
إحتمال يخليكى تنضمى لكتائب المركونين

أنا قولت اللى عندى
عادى يعنى واهو بندردش
حد شايف علاج للعنوسه تانى ؟
__________________
ان كان معنا فامن علينا